Third Eye ni Ate? (Halloween Special ni DessertBoy)

Another true story of mine. Have you read my recent blog

"Duwende at Dambuhalang Posporo"

Nasa elementary pa ako noon sa aming probinsya. Hindi ko alam kung ilang taon ako noon, basta nasa Grade 5 or 6 ako.
Nakatambay kame noon sa aming "Tiyosko" (small nipa hut) o pergola sa aming bakuran kasama ang aking mga kapatid.
Nakatulog ang ate kong si Mary (di tunay na panagalan) sa Tiyosko.
Pumasok ako sa bahay ng biglang na sumigaw ang ate ko at kumaripas ng takbo at tumalon kay tatay sabay yakap ng mahigpit na tila takot na takot at iyak ng iyak.

May nakita daw siyang dambuhalang posporo.
Oo, yun ang banggit nya kay tatay malaking posporo daw.
Hindi lang yung ang nakita nya, nakakita rin daw syang mga duwende.
That time parang kinikilabutan din ako,
Noong panahong iyon ay sobrang taas pala ng lagnat ng ate ko.
At inisip baka dala lamang ito ng taas ng kanyang lagnat
Di ko alam kung maniniwala ako kanya noon.

===============================================================

"Kapreng Kabayo"

Uso samin ang makitulog sa mga pinsan namin noon.
Si ate madalas nakikitulog sa mga pinsan kong babae.
Isang gabi kumaripas ng takbo pabalik ng bahay si Ate Mary na pupunta sana sa bahay ng pinsan ko.
Tinanong sya ni Nanay bakit tumatakbo pauwi.
Sagot ni ate may nakita daw syang higanteng kabayo na nakatayo lamang ng dalawang paa sa may puno malapit sa bahay ng aming pinsan.
Isang kabayo na sinlaki daw ng puno ng "Daddal" Cotton Tree. (Di kaya tikbalang?)
As usual kinilabutan ako. Pero di na pinalabas ni Nanay si Ate.
Kinapa rin nya kung may lagnat na naman ito pero wala.

==================================================================


"Bangkay"

Napansin kong bihira dumaan sa pintuan sa kusina si ate Mary.
Minsan isang gabi inutusan sya ni Tatay na sa labas ng kusina para tignan ang maingay na manok.
Lumabas naman si ate at medyo tumagal bago bumalik.
Maya-maya may kumatok sa sala namin. Pagbukas ni Nanay si Ate Mary lang pala.
Nawerduhan kame, kaya tinanong ni Nanay bakit sya dumaan sa Sala eh lumabas naman sya sa kusina namin.
Nung una di sya umimik, tapos nung si tatay ko na ang nagtanong kung anong nangyari sa mga manok kinilabutan ako sa sagot nya.
May nakita daw syang nakatayong lalake sa pintuan namin sa kusina, Isang matandang lalake na nakasuot ng barong na puti, may bulak sa ilong at may panyo na natali sa kanyang  ulo at baba.
Nagmadali namang kumuha ng flaslight si Tatay at lumabas sa kusina.
Pero wala naman syang nakitang tao.
Kinabukasan nilagnat si Ate Mary.

Hanggang ngayon nahihiwagaan pa rin ako kay ate.
Minsan nga noon ayoko kasama baka biglang makakita naman ng multo.
Totoo kaya ang mga nakita nyang yon.
O sa isip nya lang at akala nya ay totoong nakikita nya??
O sadyang may 3rd eye lang sya?
Pero naniniwala naman ako kay ate. (naniniwala naman pala eh bat pa ako nagtanong LOL)

Kung si ate may mga nakikitang mga kababalaghan bakit ako wala akong nakikitang multo.
Hindi kababalaghan kundi kabaklaan ang aking nakikita LOL.
Minsan tinatanong ko sa sarili bakit si Ate nakakakita ng multo, Bakit ako hindi, ibang multo ang nakikita,mga ganitong multo:

Haha talagang siningit ang fafa sa halloween LOL.